Nagano Shine Muscat (500g~599g)

長野県咁大又咁多個市，平時係香港成日都見到JA長野縣嘅香印，我地嘅又有咩唔同?
長野県咁大當然唔係由一個農夫或一個機構種晒所有果物，
JA係一個協助農夫嘅機構黎，可以幫農夫貸款會幫佢地散貨。
但農夫都唔會淨係得一個渠道走貨，佢地都有自己嘅本地客人。
而我地係機緣巧合下，認識吉田幸司先生。

點解係吉田幸司先生？
我地係2017年開始，因工作關係經常到長野県，就順路睇下有冇其他商機。
長野県出名生果，咁就試下，其實係自肥。
我地試過好多果園，亦都想冇眼屎乾淨盲就咁去JA買番黎咪得，但老細有強逼症，死都話唔好。最後係老細同佢朋友一次食飯入面傾開，佢朋友介紹咗佢同學佢識，個位朋友就係吉田幸司先生。

吉田先生種嘅有咩唔同？
好食D、甜D、麝香濃D、皮薄D、皮唔澀
吉田先生最變態嘅係，佢每房香印嘅粒數都嚴格控制，外型都係倒模咁。
（可以睇番3年前我地嘅香印相同今年2022嘅香印相）
全因吉田先生每日惜心裁培同修剪，咁先可以保持吉田先生自己嘅出品。
咁優質嘅香印，同依份精神，同吉田先生合作一定係明智之選。