小編今次要介紹嘅係依間隱世居酒屋，位於新宿西口人流比較少嘅地方。

地址

東京都新宿区西新宿7-11-3 平田ビル2号館 1F （JR新宿站行大概4-5分鐘）

價格

依間係岀名嘅係將雞嘅唔同部位都整得相當岀色，價錢亦都唔算貴，大概一位/6-8千円（HKD400-500）左右。平均每串價錢為（180-320円/HKD10-20）左右

氣氛

店內地方唔算太大，格局有啲新日式嘅氛圍，適合情侶或朋友一齊去食正野，飲下sake傾下計。

推介

小編最推介嘅就係
1. 名物！丸鶏の素揚げ（炸雞/半隻）比其他居酒屋嘅炸雞會冇咁多油，但香味同口感都係一流，肉量亦都好足，適合2-4個人份量👍🏽👍🏽👍🏽👍🏽

2.大山鶏ホルモン （雞腸串）唔好以為係平時我哋香港食開嗰隻，係完全唔同㗎！一咬落口既有雞腸嘅爽感，又有串燒嘅香味。口感好特別，大家試過就知㗎啦👍🏽👍🏽👍🏽👍🏽👍🏽

3.ひざ軟骨 （雞膝頭哥）小編第一次食都以為同食開嘅雞軟骨冇分別，點知一咬入口啲軟骨冇雞軟骨咁硬，肉量亦都比雞軟骨更多，整體口感相當特別👍🏽👍🏽👍🏽👍🏽

4.黒糖ブリュレ （黑糖布甸）小編不嬲麻麻地甜品，但依個黑糖布甸實在太岀色啦，面嗰層黑糖燒得岩岩好同入面嘅布甸都唔會太甜同漏，口感又啲似雪糕同布甸mix埋咁👍🏽👍🏽👍🏽👍🏽👍🏽

5.日本嘅生ビール（生啤）有幾好飲相信大家都知啦，依間居酒屋嘅sake（日本酒／焼酎）都幾好飲。鍾意易入口嘅可以揀純米大吟釀，辣口酒味重少少嘅就可以揀月山芳醇辛口純米最特別嘅係，嗌完酒之後店員會比客人揀自己鍾意嘅sake杯。

另外依啲係小編推介嘅其它菜色，由於太多不能盡錄就唔一一介紹啦，大家自己親身去食番餐好啦

トマトキムチ（泡菜番茄），ハツモト　(牛心血管串），大山鶏もも（雞腿串），大山鶏せせり（雞頸串），大山鶏ささみ（山葵/wasabi)，炭焼じゃがバター（炭燒牛油薯仔），炙り明太子（燒明太子）